Stormøte på Jæren «Kva betyr biogassproduksjon for meg som bonde?» 11. mars kl. 10.00–14.00 på Undheim samfunnshus
Alle bønder, landbruks- og biogassengasjerte er inviterte til fagmøtet.
Fem biogassinitiativ i Rogaland har fått støtte:
- Bio Jæren i Hå og Bioenergi Finnøy i Stavanger.
- Vireo på Karmøy, Havila i Tysvær og Biovind i Vindafjord.
Fleire andre initiativ i Rogaland er på ulike stadar i planlegginga.
Korleis blir bondens økonomi, og korleis oppnår landbruksnæringa klimagevinst?
Nytt gjødselregelverk er landa. Korleis skal fosforet reknast? Kva betyr balansegjødsling, og korleis skal det dokumenterast?
Program
- Velkommen. Monica Dahlmo, Statsforvaltaren i Rogaland.
- Levering av husdyrgjødsel frå bonden sin ståstad.
Ingve Skretting, ressursgruppe biogass. - Korleis blir økonomien for meg ved å levera til biogassanlegg?
Mari Aker, NLR. - Gassutslepp frå gjødsellager og biorestlager. Korleis sikra kvaliteten og næringsstoffa, og hindra gassutslepp.
Anders Peter S. Adamsen, Aarhus Universitet. - Lunsj. Varmrett.
- Utrekning av fosfor i nytt gjødselregelverk, og kva betyr det for bonden?
Ivar Sørby, Bio Jæren. - Nytt gjødselregelverk og balansegjødsling.
Bjørn Huso, Landbruksdirektoratet. - Avslutning. Monica Dahlmo, Statsforvaltaren i Rogaland.
For å ha mat til alle, ber me om påmelding her, eller til helga.helleso@roglp.no
Det blir tid til spørsmål og diskusjon etter innlegga.
Velkommen!
Prosjektet «Kunnskapsløft for robust klimaomstilling i Rogaland-» er ei felles offentleg satsing for å få fram om biogass, og legga til rette for kunnskapsformidling ved innføring av nytt gjødselregelverk.
Hensikta med satsinga er:
- Arbeidet skal støtta biogassinitiativa i Rogaland for å redusera klimagassutsleppa og styrka landbruket som næring. Berekraftige løysingar for auka verdiskaping i landbruket er viktig for Rogaland som landbruks- og matregion.
- Det vert arbeidd med å finna ut av klimagevinsten og CO2-kvotar, samt verdien av biogassatsinga for den enkelte bonde.
- Arbeidet skal styrka kommunane ved å legga til rette for kompetanseheving ved innføring av nytt gjødselregelverk. Det vert lagt til rette for ulike møtestader der kommunane sine ulike behov kjem fram som grunnlag for prioriteringar i arbeidet. Bruk av bioresten vil også vera eit aktuelt tema framover.
Klepp kommune eig prosjektet. Kommunane Hå, Klepp, Stavanger og Vindafjord, samt Haugaland Vekst og Statsforvaltaren i Rogaland er med på satsinga.
Prosjektet er finansiert av næringsutviklingsmidlar til Rogaland fylkeskommune og Statsforvaltaren i Rogaland sine skjønnsmidlar med eigenandel frå dei deltakande kommunane.
